နိုဘယ်ဆုရှင်မာသာထရီဆာ၏ကဗျာ(အကြိုက်ဆုံးကဗျာ)

နိုဘယ်ဆုရှင်မာသာထရီဆာ၏
မိဘမဲ့ဂေဟာတစ်ခုတွင်ချိတ်ဆွဲထားသော ကဗျာ
နိုဘယ်ဆုရှင်မာသာထရီဆာ၏ မိဘမ့ေဲ ဂဟာတစ်ခုတွင်ချိတ်ဆွဲထားသော ကဗျာဖြစ်ပါသည်။

ဘယ်လိုပဲဖြစ်စေ

လူတွေဟာမကြာခဏအကျိုးသင့်အကြောင်းသင့်မဟုတ်တာတွေလုပ်တတ်သလို
ယုတ္တိမတန် အတ္တဆန်တဲ့လုပ်ရပ်တွေကိုလည်းလုပ်တတ်ကြတယ်
ဘယ်လိုပဲဖြစ်စေ……….သူတို့ကိုခွင့်လွှတ်လိုက်ပါ။

သင်ကသနားကြင်နာတတ်ရင်
လူတွေကသင်ဟာတစ်ကိုယ်ကောင်းစိတ်ရှိသူ
ဟန်ပြကြင်နာပြနေသူလို့စွပ်စွဲလာကြာလိမ့်မယ်
ဘယ်လိုပဲဖြစ်စေ……….သနားကြင်နာမြဲသနားကြင်နာပါ။

သင့်ဘ၀မှာအောင်မြင်နေပြီဆိုရင်
မိတ်ဆွေတုတွေရလာနိုင်သလိုရန်သူစစ်စစ်တွေလည်းရလာလိမ့်မယ်
ဘယ်လိုပဲဖြစ်စေ……….အောင်မြင်အောင်ဆက်ကြိုးစားပါ။

လူတွေကသင့်ကိုလိမ်လည်လှည့်ဖျားကြလိမ့်မယ်
ဘယ်လိုပဲဖြစ်စေ……….ရိုးသားဖြောင့်မတ်ပါ။

သင်နှစ်ပေါင်းများစွာတည်ဆောက်ထားတ့ဘဲ ၀တစ်ခုကို
တစ်ဦးတစ်ယောက်ကနေ့ချင်းညချင်းဖျက်ဆီးပစ်လိုက်နိုင်ပါလိမ့်မယ်
ဘယ်လိုပဲဖြစ်စေ……….တည်ဆောက်မြဲတည်ဆောက်ပါ။

သင်ကငြိမ်းအေးမှုနှင့်စိတ်ချမ်းသာမှုကိုရှာဖွေတေ့ရွှိပြီဆိုရင်
သူတို့ကမနာလိုဝန်တိုမှုတွေဖြစ်ကြလိမ့်မယ်
ဘယ်လိုပဲဖြစ်စေ……….စိတ်အေးချမ်းအောင်နေပါ။

သင်ဒီနေ့ကောင်းမှုပြုလုပ်တာကို
လူတွေကမနက်ဖြန်မေ့ပစ်ချင်မေ့ပစ်ကြလိမ့်မယ်
ဘယ်လိုပဲဖြစ်စေ……….ကောင်းတာကိုပဲဆက်လုပ်ပါ။

လောကကြီးကိုသင်အပေးနိုင်ဆုံးအကောင်းဆုံးတွေပေးဝေလိုက်ပါ
ဘယ်တော့မှလုံလောက်မှာမဟုတ်ဘူး
ဘယ်လိုပဲဖြစ်စေ……….လောကကြီးကိုအကောင်းဆုံးပေးဆပ်မြဲပေးဆပ်ပါ။

နောက်ဆုံးခွဲခြမ်းစိတ်ဖြာလိုက်တော့သင်မြင်တ့အဲ တိုင်းပါဘဲ
သင်နဲ့တရားသာအတူရှိတော့တာပါ
ငါ ၊မင်း ၊သူတစ်ပါးအကြားမှာဘာမှမရှိပါဘူး။ ။

ခွင့်လွှတ်ချင်းများန့ဘဲ ၀ကိုတည်ဆောက်နိုင်ကြပါစေ
သင်တို့၏မိတ်ဆွေများကိုလည်းဖြန့်ဝေပေးစေချင်ပါတယ်။ ။

ကမ္ဘာကြီးကိုအုပ်စိုးနိုင်သူ....မင်း(ကဗျာ)

အကယ်၍
မင်းအသိုင်းအ၀ိုင်း တုန်လှုပ်ခြောက်ခြားပြီး
ဒါတွေဟာ မင်းကြောင့်လို့ ၀ိုင်းဝန်းအပြစ်တင်ကြတဲ့အခါ
မင်းဟာ တည်ငြိမ်စွာနဲ့ ရင်ဆိုင်နိုင်မယ်ဆိုရင် . . .

အကယ်၍
အားလုံးက မင်းကို မယုံသင်္ကာဖြစ်လာတဲ့အခါ
သူတို့ကို နားလည်စွာ ခွင့်လွှတ်ရင်းနဲ့
မင်းကိုယ်မင်း ယုံကြည်မှု အပြည့်ရှိမယ်ဆိုရင် . . .

အကယ်၍
စောင့်သင့်တဲ့အချိန်ကို စောင့်နိုင်ပြီး
အဲဒီအတွက်လည်း မမောမပန်း နေနိုင်မယ်ဆိုရင် . . .

ဒါမှမဟုတ်
မင်းရဲ့အကြောင်း မဟုတ်မတရား မုသားစကားကြားရတဲ့အခါ
မင်းကလည်း အလိမ်အညာတွေနဲ့ မတုန့်ပြန်ဘူးဆိုရင် . . .

ဒါမှမဟုတ်
မင်းကို လူတကာက ၀ိုင်းဝန်းမုန်းတီးတဲ့အခါ
မင်းကလည်း အမုန်းတွေ ပြန်မပွားဘူးဆိုရင် . . .

အကယ်၍
စိတ်ကူးယဉ်အိပ်မက်တွေဟာ
မင်းအပေါ် မလွှမ်းမိုးစေဘဲ
စိတ်ကူးနိုင်မယ်ဆိုရင် . . .

ပြီးတော့
အတွေးအခေါ် စိတ်ကူးတွေဟာ
မျှော်မှန်းချက်သက်သက်သာ မဖြစ်စေဘဲ
တွေးခေါ်နိုင်မယ်ဆိုရင် . . .

အကယ်၍
အောင်မြင်မှုသုခနဲ့ ဆုံးရှုံးမှုဒုက္ခတွေကို ကြုံတွေ့ရတဲ့အခါ
တူညီသော လောကဓံတရားတွေပါလားရယ်လို့
ခံယူထားနိုင်မယ်ဆိုရင် . . .

အကယ်၍
မင်းရဲ့ အမှန်စကားတွေကို
လူလိမ်လူညာတွေက လှည့်စားပြောင်းလဲပြီး
မုသားအဖြစ် ထောင်ချောက်ဆင် ညစ်တဲ့အခါ
မင်းဟာ တည်ငြိမ်စွာနဲ့ နာကြားနိုင်မယ်ဆိုရင် . . .

အကယ်၍
မင်းဘ၀တစ်ခုလုံးပေးပြီး
အရိပ်တကြည့်ကြည့်နဲ့ ဖြည့်ဆည်းခဲ့ရတဲ့ အရာရာကို
ဖျက်ဆီးခံလိုက်ရပြီးတဲ့နောက်
အင်မတန်မှသေးငယ်တဲ့ တန်ဆာပလာ အရာရာနဲ့
ပြန်လည်တည်ဆောက်နိုင်မယ်ဆိုရင် . . .

အကယ်၍
မင်းနိုင်ခဲ့သမျှတွေအားလုံး
ကြွေတလှည့်ကြက်တခုန်ပမာ
တလှည့်တခါတည်းနဲ့ ဆုံးရှုံးသွားခဲ့ရင် . . .

ပြီးတော့
အစကနေ ပြန်စနိုင်မယ်ဆိုရင် . . .

ပြီးတော့တခါ
ဆိုးလှတဲ့ကံကြမ္မာရယ်လို့
ဘယ်သောအခါမှ ညည်းညူမနေဘူးဆိုရင် . . .

အကယ်၍
သူများတကာတွေ လုပ်ပြီးသွားကြလို့
အချိန်အတော်ကြာမှ မင်းအလှည့်ရောက်လာတဲ့အခါ
မင်းတယောက်တည်းနဲ့ပဲ
အားနဲ့မာန်နဲ့ ဇွဲသတ္တိရှိရှိ ဆက်ကြိုးစားနိုင်မယ်ဆိုရင် . . .

အဲဒီလိုပဲ
မင်းမှာ စိတ်အင်အားကလွဲလို့ ဘာဆိုဘာမှ မရှိတော့တဲ့အခါ
အဲဒီစိတ်အင်အားကို ခိုင်မာစွာနဲ့ပဲ
လက်ဆုပ်လက်ကိုင် ထားနိုင်မယ်ဆိုရင် . . .

အကယ်၍
လူတွေနဲ့ ထိတွေ့ဆက်ဆံ ပြောဆိုတဲ့အခါ
ကိုယ်ကျင့်သိက္ခာကို စောင့်ထိန်းနိုင်မယ်ဆိုရင် . . .

ဒါမှမဟုတ်
မင်းဧကရာဇ်တွေနဲ့အတူ လမ်းလျှောက်နေရပေမယ့်
မာန်၊ မာန သွေး မကြွဘူးဆိုရင် . . .

အကယ်၍
ရန်သူကဖြစ်စေ၊ မိတ်ဆွေကဖြစ်စေ
မင်းကို နာကျည်းအောင် မလုပ်နိုင်စေရင် . . .

အကယ်၍
လူတိုင်းကို တန်ဖိုးထားလေးစားပေမယ့်
စွဲလမ်းမှု သံယောဇဉ်တွေ ထားမနေဘူးဆိုရင် . . .

အကယ်၍
တိုတောင်းလှတဲ့ မပစ်ပယ်နိုင်တဲ့ တမိနစ်အတွင်းမှာ
အဓိပ္ပာယ်ရှိတဲ့ စက္ကန့်ခြောက်ဆယ်အဖြစ် အသုံးချနိုင်မယ်ဆိုရင် . . .

ငါ့သားရေ
မင်းဟာ အရာရာရှိတဲ့ အရာရာဖြစ်တဲ့ ကမ္ဘာကြီးကို ဆုပ်ကိုင်လို့
အရာရာ ဘာမဆို မင်းစွမ်းနိုင်ပြီပေါ့
အဲဒီတော့ မင်းဟာလည်း ယောက်ျားကောင်းတယောက်ပဲပေါ့။ ။

(ဘာသာပြန်သူ-ဒေါ်အောင်ဆန်းစုကြည်)

အချစ် ကိုနားလည်တာအချိန်ပါ

အချစ် နှင့် အချိန်
ဟိုးရှေးရှေးတုန်းက Love ဆိုတဲ့ ကောင်မလေးဟာ Felling ရယ်၊ Richness ရယ်၊ Happiness ရယ်၊ Sadness ရယ်ဆိုတဲ့ သူငယ်ချင်းတွေနဲ့ အတူနေထိုင်သတဲ့ ။

တစ်နေ့တော့ Love ဟာ သူမအတွက် မည်သူသာလျှင် Love ရဲ့တန်ဖိုးနဲ့ ထိုက်တန် သလဲ လို့ စဉ်းစားမိသတဲ့ ။

အဲဒါကို အကောင်အထည်ဖော်ချင်တာနဲ့အမျှ Love က လည်း သူမရဲ့ သူငယ်ချင်းတွေကို မေးသတဲ့ ….

အဲဒီအခါ Richness ကလည်း သူသည်လျှင် Love ရဲ့ အဓိပ္ပာယ်ကို အလှပဆုံး ဖန်တီး နိုင်တဲ့သူ လို့ သူရဲ့ စည်းစိမ်တွေနဲ့ ဖျားယောင်း ပြောဆိုသတဲ့ ……။

Happiness ကလည်း သူသာလျှင် Love ရဲ့ ဘ၀ တစ်လျှောက်လုံးကို သာယာမှုတွေ၊ စိတ်ချမ်းသာမှုတွေ အများဆုံးပေးနိုင်သူဖြစ်စေမယ်လို့ ပြောပြန်သတဲ့ …….။

Sadness ကလည်း သူနဲ့သာတွဲလိုက်ရင် အများသူဟာစိတ်ထဲမှာ သနားစိတ်တွေ ၀င်လာမယ်၊ ၀မ်းနည်းမှုတွေပါလာမယ်၊ အဲဒီအခါ Love ရဲ့ အဓိပ္ပာယ်ဟာလည်း ပိုပြီး လေးနက်ပြီး ခံစားချက်ပါစေမယ် လို့ ပြောပြန်သတဲ့……. ။

Love က ဘယ်သူ့ကို ရွေးချယ်ရမလဲလို့ Feeling ကိုမေးတဲ့အခါ ။ Feeling က တစ်ယောက်ပြောတိုင်း ပြောတဲ့ တစ်ယောက်ချင်းစီအပေါ် အမျိုးမျိုးပြောင်းလဲ ပြီး တိကျတဲ့အဖြေရယ်လို့ မပေးနိုင်ပြန်ဘူး ။

အဲဒီအခါ Love က ဘယ်သူ့ကို ရွေးရမလဲလို့ စိတ်ရှုပ်နေသတဲ့ ။ နောက်ဆုံးတော့ Love ဟာ ခရီးထွက်ဖို့ စိတ်ကူးမိတဲ့အခါ သူမ ရဲ့ သူငယ်ချင်းတွေကို အဖော်လိုက်ဖို့ ခေါ်သတဲ့ ။

ပထမဆုံး Richness ကို အဖော်ခေါ်သတဲ့ Richness က သူက ဒီနေရာကနေ ထွက်ခွာ သွားလို့ မဖြစ်ဘူးတဲ့ ။ သူ့ရဲ့ စီးပွားရေးကြောင့် Richness ဟာ Love ခေါ်ရာ နောက်ကို မလိုက်နိုင်ဘူးလေ .. ။ ဒါပေမယ့် Love ကိုတော့ မသွားပဲ သူ့နားမှာနေဖို့ တားမြစ်သတဲ့ ။

Love ဟာ ဒုတိယ တစ်ယောက်ဖြစ်တဲ့ Happiness ကို ခေါ်ပြန်သတဲ့ ။ အဲဒီအခါ Happiness ကလည်း သူက အမြဲပျော်နေချင်တာ ပျော်စရာနေရာတွေကိုပဲ လိုက်ပြီး ရှာချင်တာ ။ Love နဲ့ပျော်သလို တခြားအကြောင်းအရာတွေနဲ့လည်းပျော်တယ် Love ရဲ့ ခရီးတစ်လျှောက်လုံးကိုတော့ လိုက်ဖို့ဆိုတာ မဖြစ်နိုင်ဘူးလို့ ငြင်းပြန်သတဲ့ .။

Love ဟာ ၀မ်းနည်းသွားမိသွားတယ် ။ အဲဒီအခါ ၀မ်းနည်းပူဆွေးနေတက်တဲ့ Sadness ကို လိုက်ရှာပြီး ရင်ဖွင့်သတဲ့ .. နောက်ဆုံးတော့ Love ဟာ သူ့ရဲ့ ခံစားချက်ကို နားလည်ပေးတက်သူဟာ Sadness လို့ ယူဆသတဲ့ ။ နောက်တော့ Sadness ကို သူ့ခရီးကို လိုက်ဖို့ ခေါ်တဲ့အခါ … အဲဒီအချိန်မှာတော့ Sadness ဟာ ပိုပြီး ၀မ်းနည်းတဲ့ သရုပ်ပေါ်လွင်တဲ့ မျက်နှာဘေးနဲ့ love ရယ် ငါတောင်း ပန်ပါတယ်။ ငါက နဂိုကတည်းက ပူဆွေးနေတက်တာ နင့်လည်း အခု ၀မ်းနည်းနေတဲ့အချိန်မှာ ငါတို့အတူသွားတဲ့ ခရီးဟာ ပျင်းစရာကောင်းပါတယ်။ အဲလိုပဲ ငါကလည်း အေးအေးဆေးဆေးပဲ ကြေကွဲချင်နေတာ … ခရီးမထွက် ချင်သေးဘူးလို့ လှလှ ပပ ငြင်းဆိုလိုက်ပြန်တယ်။

Feeling ကို ခေါ်ဖို့ Love က ဆုံးဖြတ်တဲ့ Feeling ကလည်း သူက မည်သူနဲ့မဆို အဆင်ပြေ တဲ့အကြောင်း Richness ကလည်း သူ့ကို အလိုရှိကြောင်း၊ Sadness ကလည်း သူမကိုအလိုရှိကြောင်း၊ Happiness ကလည်း အမြဲခေါ်နေသတဲ့ ဒါ့ကြောင့် တစ်လှည့်စီနေမယ်လို့ပြောတဲ့အခါ Love က အခြေအနေ မှန်ကို နားလည်သွားပြီး သူတစ်ယောက်တည်း ခရီး ထွက်လာသတဲ့ …..။

ဒီလိုနဲ့ လမ်းတစ်ဝက်ရောက်တဲ့အခါ Knowledge နဲ့ လမ်းမှာ သွားတွေ့သတဲ့ ။ Love ဟာ သူ့ရဲ့ မိတ်ဆွေတွေဟာ သူ့ကို ဥပက္ခာပြုတယ်၊ ဘယ်သူကမှ လိုက်မလာကြဘူး လို့ ရင်ဖွင့်သတဲ့ …။ အဲဒီအခါ Knowledge က သေချာစိုက်ကြည့်ပီး …. မဟုတ်ဘူး Love မင်းလမ်းတစ်လျှောက် အဖော်မမဲ့ခဲ့ပါဘူး တဲ့ အဲလိုပြောတဲ့အခါ Love က ကြောင်အမ်းအမ်းနဲ့ ကျွန်မ အဖော်မမဲ့ခဲ့ဘူးဟုတ်လား လို့ပြန်မေးတဲ့အခါ … မင်းဘေးမှာ Time က အမြဲကပ်ပါလာတယ်လေ လို့ဖြေလိုက်သတဲ့ ။

Love ကလည်း Knowledge ပြောမှ ဘေးဘီကို ကြည့်မိတဲ့အခါ ဘေးနားက Time ကို သတိထားမိသတဲ့။ ဒါနဲ့ပဲ Love က Time ကိုတောင်းပန်သတဲ့ ကျွန်မသူငယ်ချင်း တွေ တောင် ကျွန်မနောက်ကို မလိုက်ဘူး Time က ဘာ့ကြောင့်လိုက်လာရသလဲလို့ မေးတော့

Time က သာလျှင် Love ရဲ့ အဓိပ္ပာယ်ကို အနားလည်ဆုံး၊ Time ကသာ Love ကို တည်ငြိမ်ရာ အရပ်သို့ ခေါ်ဆောင်သွားနိုင်ဆုံးနဲ့ Love ရဲ့ တန်ဖိုး၊ Love ရဲ့ တန်ခိုးကို အမြင့်မားဆုံး ဖြစ်အောင် ဆောင်ရွက်နိုင်သူပါ

လို့ ရဲရဲ ၀ံ့ဝံ့ ဟစ်ကြွေးသတဲ့ … ။ အဲဒီအခါမှာတော့ Love ဟာ သူ့ရဲ့ ခံစားချက်ကို အနားလည်ဆုံး သူမ၏ ဘေးမှာ အမြဲရပ်တည်သူအဖြစ်နဲ့ Love ဆိုတဲ့ မိန်းကလေးဟာ Time ရဲ့ ခေါ်ဆောင်ရာ ခရီးတစ်လျှောက် တဖြည်းဖြည့် ရင့်ကျက်တည်ငြိမ်လို့ အသွင်အမျိုးမျိုးပြောင်းပြီး Love ဆိုတဲ့ အဓိပ္ပာယ်ကို ကောင်းကောင်း ဖော် ညွှန်း တက် သွားပါတဲ့.........
forward mail မှ