ထူးဆန်းထွေလာ ဖတ်စရာ

ဖတ်မိတဲ့စာတွေထဲက မှတ်မိတဲ့ ထူးထွေ ဆန်းပြားတာလေးတွေစုစည်းမှုပါ.နောက်ထပ်လဲ ရှိသေးတယ်နော်..
သိတာရှိလဲ ဝေမျှပေးပါအုံး
၁။ တစ်နေ့တစ်နေ့ကို အီးမေးလ် ဘီလျံပေါင်း ၁၆၀ ပို့ကြတယ်တဲ့။ အဲဒီအထဲမှာ ၉၇ % က Spam အီးမေးတွေဖြစ်ပါတယ်တဲ့။

၂။ လူပေါင်း ၁.၈ ဘီလျံခန့် က အင်တာနက်ကို သုံးစွဲကြပြီး အဲထဲကမှ သန်း ၄၅၀က အင်္ဂလိပ်စကားပြောသူတွေပါ။

၃။ အာဖရိကဆင်တွေက အစာစားဖို့ သွား လေးချောင်းပဲပါသတဲ့။

၎။ ဒိန်းမတ်နိုင်ငံမှာ နေထိုင်တဲ့လူဦးရေထက် ဝက်ကောင်ရေက နှစ်ဆပိုများတယ်တဲ့။

၅။ ကမ္ဘာပေါ်မှာ အနှေးဆုံးငါးက ရေနဂါးဖြစ်ပြီး တစ်နာရီကို ၀.၀၁ မိုင်နှုန်းသာ ရွေ့ပါသတဲ့။

၆။ ဝေလငါးပြာတွေရဲ့ နှလုံးအရွယ်အစားက ကားအသေးစားအရွယ်လောက်ရှိသတဲ့။

၇။ ကုလားအုတ်တွေ စိတ်ဆိုးရင် လူတွေကို တံတွေးနဲ့ ထွေးပါသတဲ့။

၈။ မီလျံနာ ချမ်းသာသူတွေ ရဲ့ ၈၀ % က တစ်ပတ်ရစ်ကားတွေကို စီးပါသတဲ့။

၉။ တရုတ်နိုင်ငံမှာ တီဗီအရေအတွက်အများဆုံးတဲ့။ အလုံးပေါင်း သန်း ၃၀၀ ရှိသတဲ့။

၁၀။ အိုက်စလန်နိုင်ငံမှာ စစ်တပ်မရှိသလို စစ်ရေးအတွက်သုံးစွဲမှုလည်းမရှိဘူးတဲ့။

နွေးထွေးသော မေတ္တာအိမ်ကလေး

အမေက ကျွန်တော့်ကိုမြင်သည်နှင့်
ဈေးဗန်းနှစ်ခုကို ထပ်လိုက်သည်။ မှိုနှင့်ကန်စွန်းရွက်အထုပ် ကလေးကို
လှမ်းပေးလိုက်သော အမေသည် ကျွန်တော့်ကို တွေ့လိုက်ရသဖြင့် ပြုံးရွှင်သွားသည်။
“ သားလေး၊ မင်းလာတာ မင်းအဖေမြင်လိုက်လား။” “ဟုတ်ကဲ့အမေ၊ အဖေလည်း လာနေပါပြီ။”
အဖေလာသောအခါ ကျွန်တော်တို့မိသားတစ်စု အိမ်သို့
ပျော်ရွှင်စွာပြန်လာခဲ့ကြသည်။ ကျွန်တော် ဘ ၀၏ နေ့ရက်တော်တော်များများသည်
ချမ်းမြေ့ပျော်ရွှင်ခြင်းများဖြင့် လူလားမြောက်ခဲ့ပါသည်။ ကျွန
်တော်တို့မိသားစုသည် ပိုက်ဆံမရှိကြသော်လည်း ဘ၀ကို နွေးထွေးစွာ
ဖြတ်သန်းခဲ့ကြသူများသာ ဖြစ်သည်။
“ အမေ၊ ကျွန်တော် ကျော်ကျော်တို့ဆိုင် ခဏသွားဦးမယ်။ အေး အေး၊
မကြာစေနဲ့နော်။ သား အဖေက ဂေါ်ဖီထုပ်ကားတွေ ၀င်အလာကို သွားစောင့်မလို့တဲ့။
အိမ်မှာ အမေတစ်ယောက်တည်း ရယ်။”
“ ဟုတ်ကဲ့ အမေ၊ ကျွန်တော် စောစောပြန်လာခဲ့ ပါ့မယ်။ ” ဒီနေ့သည် အပြန်အလှန်
ချစ်ခင် နွေးထွေးခဲ့သော ကျွန်တော်တို့မိသားစုလေး၏ နွေးထွေးမှုကို
အေးစက်စေခဲ့မှန်းသာ ကြိုသိခဲ့လျှင် ကျော်ကျော့်ဆိုင်ကို ကျွန်တော်
ထွကလာခဲ့မည် မဟုတ်ပေ။
“အာကာ၊ မင်း ဒီကိုမလာရင် ကောင်းလိမ့်မယ်ကွာ။ ” ကျော်ကျော့် စကားကြောင့်
ထိုင်စ ပြုလိုက်သော ကျွန်တော်သည် အံ့သြစွာဖြင့် ကျော်ကျော့်ကို
ကြည့်လိုက်သည်။ တခြားသူငယ်ချင်း များကလည်း လမ်းမကို အဓိပ္ပါယ်မဲ့
ငေးနေကြသည်။
“ မင်း ဘာစကားပြောတာလဲ ကျော်ကျော်။” “ပြောရမှာတော့ အားနာတယ်ကွာ။ မပြော
မဖြစ်လို့သာ ပြောရမှာကွ။ ”
“ အေး ပြောမယ်၊ မင်းတစ်မျိုးတော့ မထင်နဲ့။ မင်းအဖေက ခါးပိုက်နှိုက်၊
မင်းအမေက အလစ်သုတ်တဲ့မိန်းမတဲ့။ မင်းမမွေးခင်အထိ အဲဒီလောကမှာ
ကျင်လည်းခဲ့တာ။ နာမည်ကြီးဆိုပဲတဲ့ကွ။ ကျော်စွာ့အဖေ ရဲအုပ်က ပြောပြတာ။
ငါတို့အပေါင်းအသင်းတွေအားလုံး မင်းကိုခင်ပါတယ်။ ဒါပေမဲ့ ဗီဇ ဆိုတာမျိုးက
ပြောလို့ရတာမဟုတ်ဘူး။ ပြီးတော့ အခုလည်း အမင်းအဖေနဲ့အမေ ဒီအလုပ်တွေ
ဆက်လုပ်နေကြသလားဆိုတာ။ ” “တော် တော်တော့၊ ငါ မယုံဘူး။ မင်းစကားတွေကို
ငါမယုံဘူး ကွ။”
ကျော်ကျော့်ကို ကျွန်တော် အော်ဟစ်ပြောကာ လက်ဖက်ရည်ဆိုင်ထဲက ပြေးထွက်လာခဲ့
သည်။ မဟုတ်နိုင်ဘူး၊ ဒါဟာ မဟုတ်နိုင်ဘူးဟု ကျွန်တော်
တဖွဖွငြင်းဆန်လာခဲ့သည်။ ကျော်စွာ ဆိုတာ ကျွန်တော်တို့မြို့လေးကို
ပြောင်းလာသည့် ဒုရဲအုပ်၏သားတစ်ဦးဖြစ်သည်။ အဖေနှင့်အမေ့ ကျွန်တော်ကစပြီး
ဘယ်လိုမေးရမလဲ။
“ ဟော သားပြန်လာပြီပဲ။ အမေနဲ့အဖေတို့သားကို ထမင်းစားရင်းစောင့်နေတာကွ။”
“ကျွန်တော် မစားချင်ဘူးအဖေ။ ကျွန်တော် အဖေနဲ့အမေကို မေးစရာရှိတယ်။ ” “
ဘာမေးမှာလဲ သား ” “ အမှန်အတိုင်း ဖြေမှာပေါ့ သားရယ်၊ အမေတို့မှာ
ဒီသားလေးတစ်ယောက်ပဲ ရှိတာ။ ဖုံးကွယ်ထားစရာ ဘာမှမရှိဘူး။ ”
အဖေက ကျွန်တော့်ကို သေချာစိုက်ကြည့်ကာ“ သား ဘာတွေဖြစ်လာတာလဲကွာ။ ”
အဖေနှင့်အမေကို ယုံကြည်သော်လည်း ကံကြမ္မာကိုတော့ မယုံရဲပေ။ “ပြောပါ
သားရယ်၊
အမလေး ငါ့သားက အမေတို့ကို စကားထာဝှက်မလို့လားဟင်။ ”
အမေ ကဟက်ဟက်ပက်ပက် ရယ်နေသည်။ ကျွန်တော် စကားစရမှာ ကြောက်ရွှံလာသည်။ “ အဖေက
ခါးပိုက်နှိုက်၊ အမေက လစ်သုတ်တဲ့မိန်းမလို့ ကျွန်တော့် သူငယ်ချင်း
အဖေကပြောတယ်တဲ့။ ကျွန်တော့် ဖွင့်မမေးချင်ပါဘူး။ ဒါပေမယ့် ကျွန်တော်လေ
မှန်ကန်တဲ့အဖြေတစ်ခုကို အရမ်းသိချင်နေတယ်။”
ရယ်နေသောအမေ့အပြုံးတွေ ပျောက်ကွယ်သွားကာ မျက်ရည်တွေ တလိမ့်လိမ့် ကျလာသည်။
အဖေက အချိန်တော်တော်ကြာ ငြိမ်သက်ရင်း ငိုင်ကျသွားသည်။ ဒီအခြေအနေတစ်ခုက ပဲ
အမှန်တရားတစ်ခုကို သိလိုက်ရတော့သည်။ နှုတ်က ဖွင့်ပြောလိုက်ခြင်းထက်
အမူအရာများက ကျွန်တော်အဖို့ ပို၍ ခံစားရတော့သည်။ ကြမ်းပြင်ကို လက်သီးဖြင့်
ခပ်ပြင်းပြင်းထိုးရင်း ကျွန်တော် မျက်ရည်တွေ ကျလာကာ ငိုရှိုက်မိတော့သည်။
ငိုင်ကျသွားသော အဖေ့မျက်ဝန်းတွေက ရီဝေစွာဖြင့် ကျွန်တော့် ကိုကြည့်လာသည်။
“ ဘယ်သူ့ဆီက သိလာတာလဲ။ ဘယ်သူပြောလိုက်တာလဲဆိုတဲ့ စကားမျိုးတွေ အဖေ
မပြောတော့ဘူးသားရယ်။ ဒါတွေဟာ အမှန်တရားတွေဖြစ်ခဲ့တယ်။ ဒါပေမယ့်
တစ်ချိန်တုန်းကပဲ သား။ ငါ့သားကို မွေးတဲ့အချိန်ကစပြီး ငါ့သားဂုဏ်မငယ်ရအောင်
တို့ဟာ ရိုးသားဖြောင့်မတ်စွာနဲ့ အလုပ်လုပ်ပြီး နေလာခဲ့တာတော့ အဖေ
ကျိန်ပြီးပြောရဲတယ်သား။ ”
အဖေ ဘာတွေဆက်ပြောနေသည် ဆိုတာ ကျွန်တော် မကြားတစ်ချက် ကြားတစ်ချက်ဖြစ်လာကာ
ဝမ်းနည်းကြေကွဲ ၍သာ နေမိသည်။ အဲသည် နေ့သည် ကျွန်တော်တို့ မိသားစု
ငိုပွဲဆင်ခဲ့ရသောနေ့လေးဖြစ်ခဲ့ပါသည်။
အဖေနှင့်အမေ၏ ဝေယျာဝ စ္စများကို တတ်နိုင်သမျှ လုပ်ပေးသော် ကျွန်တော်တို့
မိသားစု၏ ပျော်ရွှင်ဖွယ်နေ့ရက်များကို ကျွန်တော်ကပင်
စတင်ဖျက်ဆီးလိုက်လေပြီ။
“ သား ဒီနေ့ ဘာလို့ ဈေးထဲကိုလိုက်မလာတာလဲ။ ” “ ကျွန်တော် စိတ်မပါလို့ပါ။ ”
အမေက စကားတိတ်သွားရင်း ကျွန်တော့် မျက်နှာကို စိတ်မကောင်းစွာဖြင့်
ကြည့်သည်။ “သား မန္တလေးကို ကျောင်းသွားတက်ရတော့ မယ်နော်။ ကျွန်တော်
မဖြေမိပါ။ ကျွန်တော့်ရင်ထဲက ခံစားနေရတာတွေကို ဖွင့်ပြော ၍ပင် မရနိုင်အောင်
ခက်ခဲနေမိသည်။ အပေါင်းအသင်းများ၏ အထင်သေးသော အကြည့်ကိုလည်း ကျွန်တော်
မခံစားနိုင်တာ အမှန်ပါ။
“ သားရယ်၊ ငါ့သား အခုလိုစိတ်ဆင်းရဲနေတာ အဖေ မကြည့်ရက်ဘူး။ အတိတ်ကဖြစ်
ရပ်တွေကို အဖေ ပြန်မတွေးချင်လောက်အောင်ပဲ သား။ အဖေ့မိဘတွေက
ကွယ်လွန်သွားကြတော့ မိဘမရှိတဲ့၊ ခိုကိုးရာမဲ့ခဲ့တဲ့ အဖေဟာ ၀မ်းတစ်ထွာအတွက်
ခါးပိုက်နှိုက်တစ်ယောက်ဖြစ်ခဲ့ရတယ်။ အဖေ့လိုပဲ မိဘမဲ့ရှာတဲ့ သားအမေခမျာလည်း
ထိန်းကျောင်းသူရဲ့ ခိုင်းစေမှုကြောင့် အလစ်သုတ်ပြေး တတ်တဲ့
မိန်းမတစ်ယောက်အဖြစ် အသက်ရှင်ရပ်ထည်ခဲ့ရတယ် ။
“ ဒီလိုနေရာက အဖေတို့နှစ်ယောက် ဖူးစာဆံပြီး ဘ၀တစ်ခုကို ထူထောင်ခဲ့ကြတယ်။
ရုန်းကန်ကျင်လည်ခဲ့ကြတယ်။ ဒါပေမယ့် သားရယ် သားကိုမွေးပြီးတာနဲ့
တစ်ပြိုင်နက် မိဘမေတ္တာကြောင့် အဖေတို့ဘ၀ကို ပြောင်းလဲပစ်ခဲ့ကြတယ်။
ရိုးသားဖြူစင်စွာနဲ့ ၀မ်းကျောင်းပြီး သားကို
ပြုစုစောင့်ရှောက်လာခဲ့တာပဲသား။ ”
“ သားဘ၀ကို အဖေနဲ့အမေရဲ့ အရိပ်မဲတွေ စွန်းထင်းခြင်းမရှိစေဘဲ လောကကြီးကို
ဖြူစင် ကြီးပြင်းစေချင်တယ်။ အဖေနဲ့အမေ မိဘမဲ့လို့၊ ပညာမတတ်လို့၊
အသိဥာဏ်မဲ့လို့၊ နိမ့်ကျညံ့ဖျင်းတဲ့ အလုပ်တွေလုပ်ခဲ့ရပေမဲ့
အဖေ့သားလေးကိုတော့ ပညာတတ်ကြီး ဖြစ်စေချင်လို့ အဖေတို့ဘ၀ကို
ပြောင်းလဲခဲ့တာပဲ သားရယ်။ ”
“ အမေနဲ့သားအဖေရင်ထဲက မေစေတနာတွေကို သားနားလည်ပေးပါ။
အရင်ကလိုပျော်ပျော်ပါးပါး နေကြရအောင်ပါ သားရယ်။ အမေ သစ္စာဆိုရဲပါတယ် သား။
အမေတို့ ဆုံးဖြတ်ခဲ့ပြီးတဲ့နေ့ကနေပြီး ယနေ့တိုင်အောင် အမေတို့ ရိုးသားစွာ
အသက်မွေးခဲကြတယ်။ ”
အဖေနှင့်အမေတို့၏ မျက်ရည်ပေါက်များသည် ကျွန်တော့နှလုံးသားကို ပြင်းထန်စွာ
နာကျင် ထိခိုက်စေခဲ့သည်။ “ ကျွန်တော် ယုံပါပြီ အမေ။ ဘယ်သူတွေ
ဘာပဲပြောပြော
ကျွန်တော် ဂရုမစိုက်တော့ဘူး။ လောကမှာ အဖေနဲ့အမေရဲ့ ချစ်မေတ္တာတွေသာ
အရေးကြီးတယ် ” ဟု ကျွန်တော် ဆိုမိတော့သည်။
ထို့နောက် ကျွန်တော်တို့မိသားစုလေးသည် ပုံမှန် အပြန်အလှန် ဖြည့်ဆည်းယုယ
ကြင်နာခဲ့ကြပါသည်။ တက္ကသိုလ်ဖွင့်ရင်သာ ကျောင်းတက်ဖို့
ကြိုတင်ပြင်ဆင်နေခဲ့မိသည်။ “သားရေ၊ ဒီမှာကြည့်စမ်း၊
သားကျောင်းတက်ရင်ဝတ်ဖို့ အမေ အင်္ကျီတွေ ၀ယ်လာတယ်သား။ ”
“ တော်ပါပြီ အမေရယ်၊ များနေပါပြီ။ အမေကသားကို မျက်နှာမငယ်စေချင်လို့ပါ
သားရယ်။ ကျွန်တော်က ကျောင်းသွားတက်ရမှာကိုပဲ စိတ်မကောင်းဘူးအေမေ။
ကျွန်တော့် ကျောင်းစရိတ်အတွက် အမေနဲ့ဖေ အရမ်းပင်ပန်းစွာ ရှာဖွေနေရမှာပဲ။ ”
“ အမေလေးသားရယ်၊ ဒီလို အမေတို့ကိုကြည့်ပြီး စဉ်းစားပေးတဲ့ သားလေး
စိတ်ဓာတ်နဲ့ပင် လုံလောက်နေပါပြီ။ အမေတို့ သားအတွက် အားမာန်တွေ
ဖြစ်ပြီးသား။
ဟုတ်တယ် သားရေ၊ ဟိုရောက်ရင်သာ ငါ့သားက စာကြိုးစား။ အဖေနဲ့အမေက ငါတို့သားဟာ
တက္ကသိုလ်ကျောင်းသားကြီးဆိုပြီး ဘ၀တူလူတန်းစားတွေကြားမှာ ကြွားဝါ
ဂုဏ်ယူရပါစေကွာ။ ” အဖေ၏ ကြုံးဝါးသံကြီးကြောင့် ကျွန်တော် အားတက်သွားခဲ့
ရသည်။
ကျွန်တော်သည် ကျောင်းသွားမည့်နေ့က အဖေနှင့်အမေ လုံးဝ
မျက်နှာမကောင်းခဲ့ပါ။ မခွဲစဖူး ခွဲခွာရ ၍ ခံစားနေကြရသည်။
ကျွန်တော်သည်လည်း အဖေတို့၊ အမေတို့နှင့်
မခွဲချင် အောင်ဖြစ်မိသည်။ ကျွန်တော့် မျက်နှာအနေအထားကိုကြည့်၍ အဖေက
အမေ့ကို မငိုဖို့ မျက်လုံးဖြင့် တားမြစ်လိုက်သည်ကို ကျွန်တော်
မြင်လိ်ုက်ရသည်။
“ သား ရော့၊ ဒီတစ်လလုံးလုံး သုံးဖို့ အဖေ နောက်ထပ်လာပို့အုံးမယ်။
လိုတာရှိရင်လည်း ကားကြုံနှင့်မှာလိုက်ကွာ။ စိတ်မပင်ပန်းမခံနှင့်၊
ကြားလား။
အဖေတို့၊ အမေတို့ရဲ့ ခြေလက်တွေဟာ သားအတွက်ဘဲ့ကွ။ သားလေးသာ
ဟိုဝတ်ရုံမဲကြီးဝတ်၊ ခေါင်းမှာလည်း လေးထောင့်ချွန်းအမဲအုပ် ဆောင်းကြီး
ဆောင်းန်ိုင်အောင် ကြိုးစား၊ ကြားလားသား။ ”
အဖေ၏စိတ်ကူးထဲမှာ ကျွန်တော့်ကို ဘွဲ့ဝတ်ရုံဝတ်ထားပြီးသည့်ပုံကို
မြင်ယောင်နေ ပြီထင်ပါ၏၊ “ ကျွန်တော် ကြိုးစားပါ့မယ့် အဖေ။ ”
အမေ့ပါးပြင်ကို
ယုယစွာနမ်းရင်း၊ ပထမဆုံး အကြိမ် ခွဲခွာခဲ့ ရလေသည်။ ကျွန်တော်သည် မိဘတွေ
ပင်ပင်ပန်းပန်းရှာဖွေ ပို့ပေးသည့် ပိုက်ဆံများကို ချွေတာနိုင်သမျှ ချွေတာ
သုံးစွဲခဲ့ရင်း ပထမစာသင်နှစ် ပြီးဆုံးခဲ့လေသည်။


ဒုတိယနှစ်စာသင်နှစ်မှာတော့ လူငယ်သာဘ၀အရ ကျွန်တော်
နှစ်သက်သော မိန်းကလေးတစ်ယောက် ရှိလာခဲ့သည်။ လှိုင်းဆိုသော မိန်း ကလေးသည်
ကျွန်တော်နှင့် အဆင့် အတန်း အဆမတန် ကွာခြားခဲ့သည်။ သူနှင့်
သွားလာသောအခါမျိုးမှာ ကျွန်တော့အတွက် အသုံးစရိတ်များ ပိုလာ ခဲ့တော့သည်။
ပို့ပေးသလောက် မငြင်းမိတော့ပေး။
အဖေနှင့်အမေ ပင်ပန်းနေတော့မှာဘဲ့။ ဒီငွေပမာဏရဖို့ ဘယ်လိုစုဆောင်းပြီး
ပို့နေခဲ့သလဲဆိုသသည့် အတွေးများ ပျောက်ကွယ်သွား ခဲ့ပါသည်။ ဒါပေမယ့်
ကျော်ကျော်တို့အုပ်စုတွေနှင့် အမှတ်မထင် ကန်တင်းမှာ စားပွဲချင်းကပ်လျက်
ဆုံမိသောအခါမှာတော့ ကျွန်တော်၏ ပျော်ရွှင်ဖွယ်နေ့ရက်များသည်
ပျက်စီးခဲ့ရပြန်ပါသည်။
“ ဒီကောင်၊ ဒီလောက်သုံးနေနိုင်တာထောက်ရင် ထူးခြားတယ်ကွာ။ ” “ အေး၊ သူ့မိဘ
အခြေအနေနဲ့ မသုံးနိုင်ပါဘူး။ အရင်က ဆို ကန်တင်းတောင် ထိုင်နိုင်တာမဟုတ်ဘူး။
”
“ မင်းတို့ကလည်း တုံးပါ့ကွာ၊ အလစ်သုတ်တဲ့ နေရာမှာ ၀ိဇ္ဇာလင်မယားပဲ။
ဒီအလုပ်တွေပဲ ပြန်လုပ်ပြီး သားဆီ ပို့ပေးမှာပေါ့။ ” “ အေးနော်၊
မန္တလေးတက်ပြီး တစ်ချီ၊ နှစ်ချီ ဆော်လိုက်ရင် တစ်လစာ အိုကေနေမှာပေါ့။ ”
ကျွန်တော် အသားတွေ တဆတ်ဆတ်တုန် လာသည်။ ထိခိုက်နာကျင်လာခဲ့သည်။ ပိုက်ဆံ
အမြန်ရှင်းကာကျွန်တော် ငှား၍နေထိုင် သော အဆောင်သို့ အမြန်ပြန်လာခဲ့သည်။
ကျော်ကျော်တို့အုပ်စုကို တစ်ခုခု လုပ်ပစ်ချင်မိအောင် ဒေါသထွက်ခဲ့သည်။
သွေးအေးသွားသော အခါမှာတော့ တစ်လတစ်လ အဖေလာပို့သော အစိမ်းရောင်ထောင်တန်များ၏
အရေအတွက်အပေါ် သံသယ၀င်လာခဲ့သည်။ “မဟုတ်ပါဘူး” ဟု နှလုံးသားက အကြိမ်ကြိမ်
ငြင်းဆန်နေသော်လည်း ဦးနှောက်ကတော့တွေး တော့ တွေးတောနေဆဲပင်။
ကျွန်တော် ယခုလို ခံစားနေသည့် အချိန်မှာပဲ အဖေနှင့်အမေ ပိုက်ဆံလာပို့ကြသည်။
ပိုက်ဆံ ပမာဏက များနေသည့်အပြင် အ၀တ်အစားနှင့် မုန့်များပါ
တော်တော်များများ ပါလာသောအခါ အဖေ၏ မေတ္တာမျက်ဝန်းများကို မကြည့်ချင်လောက်
သံသယဖြစ်လာခဲ့သည်။
“ ဘုရားဖူးချင်တာရေ၊ အမေ့သားလေးကို လွမ်းတာရောကြောင့် အမေလိုက်လာခဲ့တာ။ သား
မပျော်ဘူးလား။ ” ကျွန်တော် ခေါင်းညိတ်ပြမိ လိုက်သည် ထင်ပါ၏။
“ သားအကြိုက်ဟင်းတွေ အမေချက်ယူလာခဲ့တယ်။ မှိုနဲ့ကန်စွန်းရွက်ကြော်ကတော့
မပူတော့ဘူး။ ငရုတ်သီးစိမ်း မွန်မွန်လေးလည်း ထည့်ကြော်လာတယ်သား။ ” ကျွန်တော်
မပြောတော့ ပါဘူးဟု အကြိမ်ကြိမ် ဆုံးဖြတ်မိသော်လည်း၊ ရင်တွင်းဆန္ဒကိုကား
မတွန်း လှန်နိုင်တော့ ပေ။
“ အဖေနှင့်အမေယူလာခဲ့တဲ့ ပိုက်ဆံက ရိုးသားရဲ့လားဗျား။ ” “သား၊ ဘာပြောတယ်
မင်း………..။ ” အဖေက စားလုဆဲထမင်းလုတ်ကို ပြန်ချကာ လက်တစ်ဖက်က ဒေါသကြောင့်
ကျွန်တော့်ကို ရိုက်ရန် ရွယ်လိုက်သည်။ သို့သော်လည်း ကျွန်တော်
နားရင်းဆီသို့ ရောက်မလာခဲ့ပါ။ အမေ့မျက်ဝန်းများက အံ့အားသင့်ရာမှ
ဝမ်းနည်းကြေကွဲခြင်းသို့ အရောင်ပြောင်းသွားသည်။ ပျော်ရွှင်ဖွယ် အခြေနေမှ
တိတ်ဆိတ်ခြင်း၊ ကြေကွဲခြင်း သို့ရောက်အောင် ကျွန်တော်ပြုလုပ်မိသည့် အတွက်
နောင်တရသွားသည်။ ရင်တွင်းဆန္ဒကိုကား ဘာမှ ဘာမှမတတ်နိုင်တော့ပေ။
“ သား ယုံကြည့်ပါ။ အမေတို့ရဲ့ သစ္စာတရားကို သားယုံပါ။ အမေတို့ဟာ သားလေးအတွက်
ရိုးသားခြင်းဆိုတဲ့ အရာကို သေတဲ့အထိ ဖက်တွယ်ထားမှာပါ သားရယ်။ ”
အဖေသည် ကျွန်တော့်ကို ရိုက်ရန် ရွယ်လိုက်မိသည့် အတွက် အတော်နာကျင်သွားမှန်း
ကျွန်တော် နားလည်မိသည်။ အစားဖြစ်တော့သော အေးစက်စက်
ထမင်းချိုင့်ကြီးကိုပိုက်၍အဖေနှင့်အမေ ပြန်သွားရှာသည်။
ကျွန်တော်ကိုယ်တိုင်လည်း ၀မ်းနည်းနာကျင်စွာ အဆောင်ခုတင်ပေါ်မှာ
လူးလိမ့်မျက်ရည် ကျမိတော့သည်။
တစ်လတင်းတင်းပြည့်သွားသည့်တိုင်အောင် ကျွန်တော် ရင်ထဲ၍ ခံစားနေရဆဲပါ။
အဖေနှင့်အမေ တို့လည်း ကြေကွဲနာကျင်နေဆဲ ဖြစ်မည်ဆိုသော အတွေးမျိုး
ကျွန်တော့်မှာ ရှိနေပါသည်။ ၂-နာရီ ကျော်သော ကားစီးရမည့် ခရီးဖြင့်
အိမ်ရောက်နိုင်မှန်း သိသော်လည်း အိမ်ကို ကျွန်တော် မပြန်ဖြစ်တော့ပေ။
ရင်ထဲမှာရှိနေသော သံသယများ ကြောင့် ထင်ပါ၏။
“ အာကာဇော်၊ မင်း အဖေလာတယ်။ ” “ အေး-မရှိဘူး၊ အပြင်သွားတယ်လို့ ပြောလိုက်။”
ရင်ထဲက ပြင်းပြစွာ တွေ့ချင်သော်လည်း အဖေ့ကို ကျွန်တော် ဆင်းမတွေ့
ဟုဆုံးဖြတ်ပြီးသား ဖြစ်သွားသည်။ ကျွန်တော်၏ မိုက်မဲသော ဆုံးဖြစ်မှုသည်
အဖေပြန်သွားတော့မှ ပို၍နာကျင် သွားသည်။ အဆောင်အပြင်မှ ကျွန်တော့် အခန်းကို
လှမ်းကြည့်နေရှာသော အဖေ့ မျက်ဝန်းများနှင့် ဆုံတွေ့ချိန်မှာတော့ ကျွန်တတော်
တို်င်ကွယို၍ရပ်လိုက်ရင်း ပြေးခေါ်ချင်သောဆန္ဒတွေ ပြင်းပြခဲ့သည်။
သို့သောလည်း မခေါ်ခဲ့ပေ။ အဖေ့ မျက်ဝန်းများက ခွင့်လွှတ်အပြုံးမျးနှင့် အတူ
ကျွန်တော့်ကို မမြင်တွေ့လိုသည့် ဆန္ဒများ စွက်ဖက်နေမှ်း ကျွန်တော်သိသောအခါ
ဝမ်းနည်းကြေကွဲပြီး နောင်တရလာမိသည်။ “ အာကာဇော်၊ ရော့ မင်းအဖေ ပေးသွားတာ။ ”
အဆောင်မှူးထံထားခဲ့သော အရာများသည် ကျွန်တော့် သံသယစိတ်နှင့်
ရိုးသားခြင်းကို အရောင်ဆိုးဖို့ ကြိုးစားခဲ့သော အစိမ်းရောင်အရွက်များဟု
ထင်နေဆဲပင်။
“ သားကို အမေသိပ်လွမ်းတာပဲ သားရယ်၊ မှိုနဲ့ကန်စွန်းရွက်တွေလည်း
သားကိုမျှော်နေကြ သလိုပဲ။ ပြန်လာခဲ့ပါ သားရယ်။ အမေနဲ့အဖေ့ကို ယုံကြည်ရင်
သား ပြန်လာခဲ့နော်။ ဟူသော ပိုက်ဆံနှင့်အတူ ပါလာသည့် စာလုံးပေါင်းမမှန်သည့်
အမေ့စာလေးကို ရင်ခွင်မှာပိုက်ရင်း တစ်နေ့လုံး အပြင်မထွက်ဘဲ နေမိသည်။
အမေနှင့်အမေ၏ ကျွန်တော့်အပေါ် ချစ်ခင်မြတ်နိုးမှုကို
ပြန်လည်မြင်ယောင်လာခဲ့သည်။ အမေ၏သစ္စာတရားကို ကျွန်တော့်အပေါ်ထားခဲ့သော
စေတနာမေတ္တာနှင့်  နှိုင်းယှဉ်ချိန်ထိုးပြီး ကျွန်တော် ယုံကြည်ရမည်။
ကျွန်တော် အိမ်ပြန်ရမည်။ ဘာကိုမှ မတွေဝေတော့ပါ။ အမေမျက်ရည်ကျအောင်၊
အဖေစိတ်ဆင်းရဲအောင် မလုပ်တော့ဘူး။ မနက်ဖြန် ကျွန်တော် အိမ်ပြန်မည်ဟုသာ
တွေးနေမိတော့သည်။
လမ်းမှာ ကားပျက်နေတာရော၊ ကျွန်တော် အဆောင်က ထွက်လာတာ နောက်ကျတာရော
ထိုနှစ်ခုကြောင့် အဖေနှင့်အမေ ဈေးသိမ်းပြန် ချိန်လောက်ကျမှ
ကျွန်တော်တို့မြို့ ကလေး၏ ဈေးရှေ့သို့ရောက် လာခဲ့သည်။ အိမ်ရောက်တော့
သော့ခတ်ထားသော အိမ်တံခါးက ကြိုဆိုနေသည်။ ကျွန်တော် ရင်မောရသည်။
“ ဟေ့ အာကာ၊ ပြန်လာတာလား။ မောင်စိုးအောင်နဲ့ ခင်ရီ အလုပ်သွားလုပ်နေကြတယ်။
မင်း ပြန်လာမယ်မှန်း သိရင်သွားမှာ မဟုတ်ဘူး။ ”
“ ဘာအလုပ်လဲ ဘွားမေ။ ” ကားလမ်းမကြီးနားက ဈေးကြီးဆိုလား ဘာလား
မသိဘူးကွယ်။ အဲဒီ အဆောက်အအုံကြီးမှာ သွားလုပ်ကြတယ်။ ”
ဘွားမေပြောသော အဆောက်အအုံသည် ကျွန်တော်တိုကမြို့ငယ်လေးအတွင် မန္တလေးက
စူပါမာကတ်ကြီးဖွင့်ဖို့ ဆောက်နေသော အဆောက်အအုံဖြစ်သည်။ အဖေနှင့်အမေ
ဘာများလုပ်နေကြ သလဲလို့ တစ်လမ်းလုံး တွေးလာခဲ့မိသည်။
အုတ်သဲသယ်သူတွေ၊ မဆလာသယ်သူတွေ နှင့် ဆူညံအော်ဟစ်နေသော လူအုပ်ထဲသို့
ကျွန်တော် တိုးဝင်လာခဲ့သည်။ အဖေနှင့်အမေကို ပန်းရန်ဆရာက လှမ်းပြောနေသည်။
“ ကိုစိုးအောင်၊ အုတ်သယ်ပြီးရင် မဆလာဖျော်ဦးနော်၊ မခင်ရီပါ
အုတ်သယ်တာရပ်ပြီး မဆလာသယ်လိုက်။ ” “ ဟုတ်ကဲ့ ဆရာ၊ အခုပဲ လာပါပြီ။ ”
“ အဖေ ” ဟု ရေရွတ်လိုက်မိသည်။ ပန်းရန် ဆရာ၏ စကားကို ရိုကျိုးစွာဖြေကြားပြီး
ကျွန်တော်မှာရှိသော သဲနှင့်ထုံးတွေ ပုံထားရာသို့ လှမ်းလာနေသော အဖေ။
ပုဆိုးစုတ်လေး ခေါင်ပေါ်ခုလျက် အုတ်ခဲခြောက်လုံးကိုရွက်ပြီး လာနေသောအမေ။
ချွေးစက်တွေ တဒီးဒီးကျ နေသော်လည်း အမေနှင့်အမေမျက်နှာမှာ ပင်ပန်းသော
အရိပ်အယောင် လုံးဝ မတွေ့ရပေ။ သား အတွက်ဆိုသော အားမာန်တွေ နှင့် အုတ်ခဲတွေ
ရွက်သယ်နေရှာသော အမေနှင့်အမေ၏ ရိုးသားကြိုးစားခြင်းများကို ကျွန်တော်
စော်ကားလိုက်မိခဲ့သည် မဟုတ်ပါလား။
“ ဟယ် သားလေ ” အမေက ကျွန်တော့်ကိုမြင်တော့ အံ့သြခြင်း။
ပျော်ရွှင်ခြင်းတွေနှင့် အုတ်ခဲတွေကို ကိုင်းထားသောလက်ကို လွှတ်လိုက်သည်။
ယိုင်လဲလုဖြစ်သွားသော အမေ့ကိုယ်လေးကို ကျွန်တော် ပြေးထိန်းလိုက်သည်။
နေပူခံအောင် ၀တ်ထားသော အကျီပွပွကြီးကြားက သေးသွယ်ပါးလျသော အမေ့ ခန္ဓာ
ကိုယ်လေးက အမေ၏ပင်ပန်းမှုတွေကို ဖော်ပြနေသယောင်ပါ။ “ သား ပြန်လာမယ်ဆိုရင်
အဖေတို့ အလုပ်မသွားဘဲ အိမ်မှာ စောင့်နေမှာပေါ့။ ”
တဒီးဒီးကျနေသော ချွေးစက်တွေကို ပုဆိုး အဖျားစဖြင့်
ခပ်ကြမ်းကြမ်းပွတ်သပ်ရင်း အဖေက စားဆိုးသည်။ “ ခင်ရီ ငါတို့ ဒီနေ့နားမယ်
လို့ပြောခဲ့ပြီး။ ငါတို့ မိသားစု အိမ်ပြန်ကြမယ်။ ”
လမ်းတစ်လျှောက်လုံး ကျွန်တော်စကားမစ နိုင်အောင်ဆို့ နင့်ခံစားနေမိသည်။
ဘေးစကားဖြင့် ကျေးဇူးကန်းဖို့ ကြိုးစားခဲ့သည်ကို ကျွန်တော် နောင်တ
အကြိမ်ကြိမ် ရနေမိသည်။ မနက်ပိုင်း ဈေးရောင်း၊ နေ့ခင်း ပန်းရန်လုပ်ပြီ
သားကိုတက္ကသိုလ်ကျောင်းသားကြီး ဖြစ်အောင် ပံ့ပိုးခဲ့သော အဖေနှင့်အမေ၏
ကျေးဇူးတရားများကို ပြစ်မှားဖို့ကြံရွယ်ခဲ့သော သားမိုက် ကျွန်တော်ပါတကား။
ခြေလှမ်းတွေကို ရပ်ပစ်လိုက်သော အဖေနှင့်အမေ့ရှ့မှာ ပိတ်ရပ်ရင်း
ဒူးထောက်ထိုင်ချလိုက်မိသည်။ “ အဖေတစ်ခါက ရိုက်ဖို့ရွယ်ခဲ့တဲ့ လက်နဲ့
ကျွန်တော်တို့ကို ရိုက်ပစ်လိုက်စမ်းပါ အဖေရယ် ”ကျွန်တော်ဆိုလိုသော
အဓိပ္ပါယ်ကို အဖေက နားလည်ခဲ့သည်။ “ သားရယ် မသိနားမလည်လို့ ပြောခဲ့တဲ့သားကို
ရိုက်ပစ်ဖို့ ရွယ်ခဲ့မိတယ်။ အဖေ့ လက်ကိုတောင် ယနေ့တိုင် မုန်းမိပါတယ်
သားရယ် ”
“ ခွင့်လွှတ်ပါ အဖေနှင့်အမေ ကျွန်တော် ရှိခိုးပြီး တောင်းပန်းပါတယ်။
အဖေနှင့်အမေရယ် စေတနာ မေတ္တာတွေကို သိလျှက်နဲ့ ဘေးပယောက ကို ယုံစားပြီး
စော်ကားခဲ့တဲ့စကားတွေကို သံသယအတွေးတွေနဲ့ တကယ်မိုက်မဲခဲ့တဲ့သားပါ။ ”
အမေက လက်အုပ်ချီထားသော ကျွန်တော် လက်နှစ်ဖက်ကို ငြင်သာစွာ ဆွဲယူပြီး “
အမေတို့ ခွင့်လွှတ်ပြီးသားပါ သားရယ်။ ” ဟု ကြည်နူးမျက်ရည်တွေနဲ့ ဆိုခဲ့သည်။ “
သား နားမယ့်နေ့ကို အချိန်ဘယ်လောက် ကြာကြာ အဖေတို့စောင့်နေဖို့
ဆုံးဖြတ်ခဲ့ပြီးသားပါ။ ကဲ ကဲ အဖေတို့မိသားစုလေး အိမ်ပြန်ကြမယ်ကွာ။ ”
“ ကောင်းပြီ အဖေ၊ ကျွန်တော်လိမ်မ္မာပါတော့မယ်။ စာလည်း ကြိုးစားပါ့မယ်။ အမေန
ဲ့အမေ့ကိုတစ်လှည့်ပြန်ပြီး လုပ်ကျွေးနိုင်မယ့်နေ့၊
ကျေးဇူးဆပ်ခွင့်ရမယ့်နေ့ကို အမြန်ရောက်အောင်ကျွန်တော်ကြိုးစားသွားမယ်။ ”
ကျွန်တော် ရဲရဲ ကြီး ကတိစကားဆိုမိသည်။
အဖေကခေါင်းတညိတ်ညိတ်နှင့် ပြုံးရှာသည်။ အမေကတော့ မျက်ရည်ကြည်တွေ
ဝေ့၀ဲနေရင်း ခေါင်းကို ညိတ်ပြရှာသည်။
သို့လျှင် အပြုံးကိုယ်စီနှင့်အဖေရယ်၊ အမေရယ်၊ ကျွန်တော်ရယ် နေခြည်ဖြာ၍
လှပနွေးထွေးသော မေတ္တာအိမ်ကလေးဆီသို့ ဦးတည် လိုက်ပါတော့သည်။
င်္forward mail မှ ရရှိပါသည်။