ကျွန်မက ချောကလက် ကြိုက်သူ ဖြစ်တယ်။ ချောကလက် အဖြူ၊ ချောကလက် အမည်း၊ အမွှေးအကြိုင်တွေ ရောထားတဲ့ ချောကလက်၊ အစာသွပ် ချောကလက်... အိုး ဘာချောကလက်ဖြစ်ဖြစ် "ဟင့်အင်း" လို့ ကျွန်မငြင်းဆန်ဖူးတဲ့ ချောကလက် မရှိဘူး။
ကျွန်မမှာ ၁၀နှစ်ကျော် ရင်းနှီးခဲ့တဲ့ ငယ်သူငယ်ချင်း ချစ်သူတစ်ယောက်ရှိတယ်။ ချောကလက်ကို
ကျွန်မ ဘယ်လောက်ထိ ရှုးသွပ်ခုံမင်မှန်း မောင်သိတယ်။ "ချောကလက်ကို ဒီလောက်ကြိုက်ရသလား... သတိလဲ ထားဦးနော် ၀က်ကလေးလို ၀လာမယ်"
ကျွန်မခေါင်းကို အမြဲပွတ်သပ်ပြီး မောင်နောက်တိုင်း ကျွန်မက နှုတ်ခမ်းကို စူပုပ်ပြီး မောင့်ကို စိတ်ကောက်တယ်။
"မောင်က ကျွန်မကို အမြဲအနိုင်ကျင့်တယ်။ မခေါ်တော့ဘူးကွာ"
"၀က်ကလေးလို ၀နေလဲ ချစ်မှာပါ။ စိတ်မဆိုးနဲ့နော်"
မောင်က အဲဒီလိုပဲ။ ၁၀နှစ်ကျော် အကြောင်းမရှိ အကြောင်းရှာပြီး မောင့်အပေါ်နွဲ့ဆိုးဆိုးလာခဲ့တဲ့ ကျွန်မရဲ့ဒဏ်ကိုသည်းခံပြီး ချစ်ခဲ့တယ်။ တစ်ခါတလေ ဒေါသကြီး ပေါက်ကွဲရင်လဲ ကျွန်မဆံပင်ကို ပွတ်သပ်ပြီး ချော့မြူတတ်သေးတယ်။ မောင်နဲ့အတူ လျှောက်ခဲ့တဲ့ လမ်းတွေက ရှည်လျှားလာခဲ့ပေမဲ့ ကျွန်မရဲ့ နွဲ့ဆိုးဆိုးတတ်တဲ့ အကျင့်က ပြောင်းလဲမသွားခဲ့ဘူး။
တကယ်တော့ မောင်က ပျိုတိုင်းကြိုက်တဲ့ နှင်းဆီခိုင်ပါ။ မောင်ရဲ့သိမ်မွေ့တဲ့အကျင့်၊ ယဉ်ကျေးတဲ့ အပြုအမှု၊ ချောမောတဲ့ ရုပ်လဏ္ခာကြောင့် မောင့်ကို ရေလာမြောင်းပေး လုပ်တဲ့ မိန်းကလေးတွေ မနည်းခဲ့ဘူး။ ဒီအကြောင်းကို အခွင့်ယူပြီး မောင့်ကို ကျွန်မ သ၀န်တိုခဲ့တဲ့ အကြိမ်လည်း မနည်းလှဘူး။ ဒါပေမဲ့ မောင်လမ်းကြောင်း မပြောင်းခဲ့ဘူး။ ကျွန်မရဲ့ ကလေးဆန်တဲ့ အကျင့်တွေကို သည်းခံပြီး ကျွန်မအနားမှာပဲ ရှိနေခဲ့တယ်။
မောင့်ကို ကျွန်မအရမ်းချစ်တယ်။ ဒါပေမဲ့ တန်ဖိုးထားရကောင်းမှန်း ကျွန်မ နားမလည်ခဲ့ဘူး။
"မောင်... ကျွန်မ ကောင်းလား မကောင်းဘူးလား" ဘာမှမဟုတ်တဲ့ မေးခွန်းတွေနဲ့မောင့်ကို အပြစ်ရှာဖို့ ကျွန်မစတော့တယ်။
"ဟန်နီ ကောင်းလား မကောင်းဘူးလား ဆိုတာကို မောင့်မျက်စိထဲမှာ မမြင်ဘူး။
မောင်သိတာက ဟန်နီဟာ မောင်ရဲ့ ဒီတစ်သက် အချစ်ဆုံး မိန်းကလေးပဲ"
တည်ငြိမ်တဲ့ အသွင်နဲ့ မောင်က ကျွန်မကို စူးစိုက်ကြည့်ပြီး ပြန်ဖြေတယ်။
"မောင် နောက်နေပြန်ပြီ.. ဟန်နီမေးတာ ဒီမေးခွန်းမှ မဟုတ်တာ"
ခေါင်းငုံ့ပြီး ရှက်ကိုးရှက်ကန်းဖြစ်သွားတဲ့ ကျွန်မကို မောင်က သူ့ရင်ခွင်ထဲ ဆွဲသွင်းလိုက်တယ်။ ပူနွေးနေတဲ့ သူ့နှုတ်ခမ်းနဲ့ အေးစက်နေတဲ့ ကျွန်မနှုတ်ခမ်းကို ဖိကပ်ထားလိုက်တယ်။
နွေးထွေးသာယာတဲ့ မြင်ကွင်းက တိုတောင်းလှတယ်။ မကြာမီ ရက်အနည်းငယ်မှာပဲ မောင့်ကို
အပြစ်ရှာဖို့ ကျွန်မရဲ့မေးခွန်းဟောင်းတွေက ထွက်လာပြန်တယ်။
"မောင် .. ရှင်းရှင်းပြောနော်။ အဲဒီကောင်မလေးက ဘယ်သူလဲ"
မယ်ကုဝဏ် ဂြိုလ်ဝင်တဲ့ မျက်နှာထားနဲ့ မောင့်ကို ကျွန်မမေးလိုက်တယ်။
"မောင်တို့ ကုမ္ပဏီက ၀န်ထမ်းပါ" ကျွန်မ အမြင်ရှင်းအောင် မောင် အသေအချာ ရှင်းပြနေတယ်။
"မယုံဘူး..."
"ဟန်နီ... အကြောင်းမရှိ အကြောင်းမရှာနဲ့ကွာ"
"အကြောင်းမရှိ အကြောင်းရှာနေတာ မဟုတ်ဘူး မောင်။ ဘယ်သူအရင် စမှားတာလဲ မတောင်းပန်တဲ့အပြင်
မောင်က ဟန်နီ့ကို အော်တယ်"
နှုတ်ခမ်းကို ကိုက်ပြီး အရည်လဲ့နေတဲ့ မျက်လုံးနဲ့ မောင့်ကို ပြန်ကြည့်ပြီး ကျွန်မ အော်လိုက်တယ်။
"ဆောရီးပါ ဟန်နီရာ.. မောင်အပြောမတတ်တာ။ မငိုပါနဲ့ကွာ နော်"
"ကျွန်မကို ဂရုမစိုက်ပါနဲ့။ သူ့ကိုပဲ သွားရှာတော့" အချော့မြူခံရမှ ကျွန်မရဲ့ အကျင့်ဆိုးက ထောင်းခနဲ့ ပြန်ထွက်လာတယ်။
"ဟန်နီ...."
"မခေါ်နဲ့.." တစ်ဖက်ကို ကျွန်မလှည့်လိုက်တယ်။
"ဟန်နီ.. မောင် တောင်းပန်ပါတယ်ကွာ"
ကြိုးစားပြီး ချော့နေတဲ့ မောင့်စကားကို ကျွန်မ အရေးမစိုက်ဘဲ ကိုယ်တိုင်ကြားရင်တောင် နားခါးနိုင်တဲ့ စကားလုံးအချို့နဲ့ မောင့်ကို ကျွန်မ ရန်ရှာနေမိတယ်။
"တော်ပြီကွာ... အကျိုးအကြောင်းကို ဟန်နီ နားလည်ဖို့ကောင်းတယ်။ ကဲ မောင်သွားမယ်"
ချစ်သက်တမ်း ၁၀နှစ်ကျော် ကာလမှာ မောင်ပထမအကြိမ် ကျွန်မကို စိတ်ဆိုးခြင်းပဲ။ချာကနဲ့ လှည့်ထွက်သွားတဲ့ မောင့်ကို ကျွန်မတားဖို့ ကြိုးစားချင်ပေမဲ့ ကျွန်မရဲ့ နှုတ်ခမ်းက ရက်စက်တဲ့ စကားလုံးအချို့ ခုန်ထွက်လာခဲ့တယ်။
"မောင်နဲ့ ကျွန်မ လမ်းခွဲမယ်"
ကျွန်မတို့ ရန်ဖြစ်ပြီ။ ၁၀နှစ်ကျော်အတွင်း ပထမဆုံး ကျွန်မတို့ ရန်ဖြစ်ပြီ။ အကြောင်းမရှိ
အကြောင်းရှာပြီး မောင့်ကို ကျွန်မရန်ရှာနေမှန်း ကျွန်မကိုယ် ကျွန်မသိတယ်။ ၀န်ထမ်းကောင်မလေးနဲ့
မောင် ဘာမှ မပတ်သက်ဘူးဆိုတာလဲ သိတယ်။ ခုတစ်လော မောင်အလုပ်တွေ ရှုပ်နေလို့ ကျွန်မအတွက် အချိန်မပေးနိုင်တာကို အကြောင်းပြပြီး မောင့်ကို ကျွန်မရန်ရှာခဲ့မိတယ်။ ကျွန်မဘေးမှာ မောင်အမြဲရှိနေဖို့၊ ကျွန်မကို ပိုဂရုစိုက်လာအောင် ဒီပြဿနာကို ကျွန်မရှာခဲ့မိတယ်။
ကျွန်မမှာ အပြစ်ရှိမှန်း ကျွန်မသိပါတယ်။ ကျွန်မ မှားသွားခဲ့တယ်။ ကျွန်မကြောင့် မဖြစ်သင့်တာတွေ
ဖြစ်ခဲ့ရတယ်။ ချစ်သူများနေ့ ရောက်ခါနီးမှ ပြဿနာကို မီးထွန်းရှာခဲ့မိတဲ့ ကျွန်မကိုယ်ကျွန်မ အပြစ်တင်လို့ မဆုံးခဲ့ဘူး။
မောင်ကလဲ ကျွန်မကို လာမရှာခဲ့ဘူး။ မက်ဆေ့တစ်ခု၊ ဖုန်းတစ်ချက်တောင် မဆက်သွယ်ခဲ့ဘူး။
ကျွန်မရင်နင့်အောင် ခံစားနေရတယ်။ မောင်ထားသွားမှာကိုလဲ ကြောက်မိတယ်။ ဒါပေမဲ့ မခံချင်တဲ့မာနနဲ့ မောင်ဘက်က မခေါ်မချင်း ပြန်မခေါ်ဘူးလို့ ကျွန်မ ဆုံးဖြတ်လိုက်မိတယ်။
ချစ်သူများနေ့ကို ကျွန်မတစ်ယောက်တည်း ဖြတ်ကျော်ရမယ်လို့ ထင်ထားခဲ့မိပေမဲ့ ဖေဖော်ဝါရီ (၁၄)ရက်နေ့မှာပဲ မောင့်ဆီက ဖုန်းဝင်လာတယ်။
"ဟန်နီ.. အပြင်ခဏထွက်ခဲ့လို့ ရမလား"
ဝမ်းသာ တုန်လှုပ်နေတဲ့ အသံနဲ့ မောင်က တိုးညှင်းစွာ ဆိုတယ်။
"မရဘူး"
"ဒါဆို မောင်လာခဲ့မယ်"
"အင်း.. လာမယ်ဆို ၁၀မိနစ်အတွင်း ရောက်အောင်လာခဲ့ပါ။ မရောက်ရင်တော့ အဆိုးမဆိုနဲ့"
"၁၀မိနစ်... အင်း.. ကောင်းပြီလေ။ ၁၀မိနစ်အတွင်း မောင်ရောက်အောင် လာခဲ့မယ်"
ဖုန်းချပြီး အိမ်အောက်ထပ်ကို ကျွန်မ အပြေးဆင်းခဲ့မိတယ်။ မောင့်ကို လွမ်းတဲ့စိတ်၊ တွေ့ချင်မြင်ချင်တဲ့ စိတ်ကို ကျွန်မ တားမရခဲ့ဘူးလေ။
၁၀ မိနစ်လွန်သွားတယ် မောင်ရောက်မလာခဲ့ဘူး။ မိနစ် ၂၀... ၃၀.. ၄၀... တစ်နာရီသာ လွန်သွားတယ်။ မောင်ရောက်မလာခဲ့ဘူး။ ဂတိမတည်တဲ့ မောင်ကြောင့် ကျွန်မရင်တွေ တစ်ဆစ်ဆစ် နာကျင်လာမိတယ်။
လေးသွဲ့တဲ့ ခြေလှမ်းနဲ့ အိမ်ထဲကို ကျွန်မ၀င်လိုက်တယ်။ အက်ရှရှ ဖုန်းသံက ကျွန်မကို ဆီးကြိုလို့နေတယ်။ ဒီဖုန်းက ကျွန်မဘ၀ထဲကနေ မောင့်ကို အပြီးအပိုင် ဆွဲထုတ်လိုက်မယ်မှန်း ကျွန်မ မထင်ခဲ့မိဘူး။
"ကိုနေဒွေးဇော်ရဲ့ မိတ်ဆွေ မဟန်နီချိုလားရှင်။ ကိုနေဒွေးဇော် xxx
ဆေးရုံကအရေးပေါ်ခန်းမှာ ရောက်နေပါတယ်"
အရေးပေါ်ခန်း? မောင်ဘယ်လိုလုပ်ပြီး အရေးပေါ်ခန်း ရောက်နေပါလိမ့်? ကျွန်မ ဆေးရုံကို အပြေးလေး သွားခဲ့တယ်။ ကျွန်မရောက်အလာကို ဆီးကြိုနေတဲ့ အခန်းပြင်က ဆရာဝန်က ကျွန်မကို ခေါင်းခါပြပြီး နောက်ဆုံးအကြိမ်အဖြင့် ကျွန်မကို ၀င်တွေ့ခိုင်းတယ်။
ဖျော့တော့နေတဲ့ မျက်နှာနဲ့ ကုတင်ပေါ်မှာ လှဲလျှောင်းနေတဲ့ မောင့်ကို ကြည့်ပြီး ကျွန်မ ပျော့ခွေသွားမတတ် ချောက်ချားမိတယ်။ သွေးရောင်မဲ့ နှုတ်ခမ်း၊ တုန်ရီတဲ့ အသံနဲ့ မောင် တိုးတိုးလေး ရေရွတ်တယ်။
"ဆောရီး ဟန်နီ.. မောင်နောက်ကျသွားတယ်"
အလာနောက်ကျလို့ ကျွန်မစိတ်ဆိုးမှာစိုးခဲ့တဲ့ မောင်က နောက်ဆုံး ထွက်သက်အထိ ကျွန်မကို
ရှင်းပြနိုင်ဖို့ ကြိုးစားခဲ့တယ်။
"မပြောပါနဲ့တော့မောင်.. ဟန်နီ မကောင်းတာ"
ကျွန်မ အော်ငိုပြီး အေးစက်နေတဲ့ မောင့်လက်ကို တင်းတင်းဆုပ်ကိုင်ထားလိုက်တယ်။
"မငိုနဲ့ ဟန်နီ.." ကျွန်မပါးပြင်ပေါ်က စီးကျလာတဲ့ မျက်ရည်ကို မောင်သုတ်ဖို့ ကြိုးစားနေတယ်။
"မောင်တို့ ဘယ်တော့မှ လမ်းမခွဲဘူးနော် ဟန်နီ.. ဟန်နီ့ကို မောင်အရမ်းချစ်တယ်။ ဟန်နီ့အပါးမှာပဲ မောင် အမြဲရှိနေချင်ခဲ့တယ်"
"ဟန်နီတို့ ဘယ်တော့မှ မခွဲဘူးမောင်.. ဟန်နီလည်း မောင့်ကို အရမ်းချစ်တယ် မောင်"
ပါးပြင်ပေါ်ကို မျက်ရည်တွေက တလဟော သွန်ချနေတယ်။ ကျွန်မကို မောင်ခွဲသွားမှာ ကြောက်လိုက်တာ... မောင့်လက်ကို တင်းနိုင်သမျှ တင်းအောင် ကျွန်မဆုပ်ကိုင်ထားမိတယ်။
"ဟန်နီ ကြိုက်တဲ့ ချောကလက်တွေ မောင်ဝယ်ခဲ့တယ်။ ချစ်သူ..များ..နေ့မှာ ပျော်.. ရွှင်..ပါစေ ဟန်..နီ"
"မောင် ဟန်နီ့ကို ခွဲမသွားပါနဲ့ မောင်... ဟန်နီ့ကို ခွဲမသွားပါနဲ့"
တင်းတင်းဆုပ်ကိုင်ထားတဲ့ မောင့်လက်တွေ တဖြေးဖြေး ပြေလျှော့လာခဲ့တယ်။
"မောင်....." ကျွန်မ အသဲကွဲမတတ် အော်လိုက်မိတယ်။
နောက်မှ ကျွန်မသိရတာက ကျွန်မစစားဖူးပြီး အရမ်းကြိုက်ခဲ့တဲ့ ချောကလက်ကို ၀ယ်ဖို့မောင် တစ်ခြားမြို့ ရောက်သွားခဲ့တယ် ဆိုတာပါပဲ။ မောင့်အပေါ် ကျွန်မ စိတ်ဆိုး၊ စိတ်ကောက်နေတာကို ချောကလက်နဲ့ ချော့ဖို့ မောင်မမေ့ခဲ့ဘူး။ ၁၀မိနစ်အတွင်း ရောက်ရမယ်ဆိုတဲ့ ကျွန်မရဲ့ မဆင်မခြင် တောင်းဆိုမှုကြောင့် မောင် ကားအက်ဆီဒင့် ဖြစ်ခဲ့ရတယ်။
မောင်ပေးတဲ့ ကျွန်မကြိုက်တဲ့ ချောကလက်တွေကို ချစ်သူများနေ့မှာ ကျွန်မ ရခဲ့ပါတယ်...မောင်...
ချိုမြိန်တဲ့ ချောကလက်တွေ၊ ကျွန်မ အရမ်းနှစ်သက်ခဲ့ဖူးတဲ့ ချောကလက်တွေ
အခုတော့ ခါးသက်ခဲ့ပြီ မောင်...
............................
forward mail မှရပါသည်။ေ၇းသားသူမသိပါ
Subscribe to:
Post Comments (Atom)
No comments:
Post a Comment